Búin að setja inn fullt af myndum frá Austurríki, Snjóflóðanámskeiði og nokkrar party myndir !!!

Allt undir Rögnumyndir 2

Kv Ragna Sif

loksins loksins loksins... prófin búin!!!
Það gekk nú bara svona ágætlega held ég, þrátt fyrir verstu ælupest sem ég hef fengið, og það daginn fyrir próf !! Mætti í prófið ekkert búin að borða í sólarhring... með powerade brúsann og massaði þetta . Svaka gaman !!!!
Svo er bara ljúfa lífið í skólanum, alltaf frí fyrir hádegi!!

En nú eru svo bara skemmtieg heit tekin við !! Skellti mér á Sigló um helgina með hjálparsveitinni á massa skemmtilegt snjóflóðanámskeið, Það hefði nú reyndar mátt vera aðeins meiri snjór, en þetta bjargaðist!!! Sleðastrákarnir komu með  og voru í því hlutverki að draga okkur upp brekkurnar svo að við gætum skíðað niður Algjör snilld. Svo vorum við nú líka að hjálpa til við snjóflóðanámskeiðið sem nýliðarnir voru á !!

Svo er nú stefnan tekin á skíði núna í vikunni, meira að segja opið í skálafelli !!! Það væri nú yndislegt að skella sér þangað eins og eina kvöldstund!!!

En annars er ég nú bara farin að hugsa til páskanna og láta mig hlakka til.
Sem sagt mikill tími útivistar framundan !!!

En annars var það nú lítið fleira, verið nú dugleg að kommenta!!

Kv ragna

PS myndir frá Austurríki koma í þessari viku !!! ÉG LOFA

Jei þetta er alvega geggjað gaman, próf á morgun og annað eftir viku, gerist ekki betra !!!!!. Eða ekki . En annars er ég ekki búin að taka þessum áfanga allt of hátíðlega, búin að skreppa í viku til austurríkis á skíði og fleira skemmtilegt. Maður verður nú að lifa lífinu líka svona að einhverju leiti. En er komin með háleit markmið þegar þessum blessuðu prófum líkur.....þá verður sko farið á fjöll !!!

En  annars er nú ósköp lítið að frétta. Fór í útkall með hjálparsveitinni á föstudaginn og ég held að þetta hafi nú bara verið mesta rok sem ég hef upplifað !!! Loksins almennilegt óveðursútkall !!! Geggjað gaman.

Svo var fimmtugsafmæli heima í gær, systir hans pabba átti afmæli, en hún býr í Noregi. Maðurinn hennar bara sótti hana í vinnuna úti á föstudaginn og sagði að hann væri að fara með hana í óvissuferð og keyrði hana út á flugvöll!!! En ekki nóg með það heldur halda þau svo áfram til Florida á mánudaginn og hún veit bara ekkert af því, heldur að hún sé að fara heim til Noregs!!! Haha.

 EN þar sem við krakkarnir vorum ekki alvega að fíla svona fínt afmælidboð skelltum við okkur á Laugavatn á þorrablót. Mín fékk bara að setjast undir stýri á Patrolnum þar sem hann Elvar elskan var kominn vel í glas, og mín fór bara í jeppó !!! ´Tók okkur tvo og hálfan tíma að komast þangað, það var svo mikil snjókoma og skafrenningur að það sást ekki á milli stika. Geggjað gaman !!! SVo var nú tjúttað smá á ballinu þar, en farið snemma heim þar sem ég er að fara í próf.

Fyrsta verk mitt eftir prófið verður að koma myndum frá Austurríki inn á myndasíðuna mína !!!. Mikið búið að argast í mér að ég sé sú eina sem er ekki búin að setja myndir inn (humm, humm Dóri !!) .... en þetta kemur allt með kalda vatninu.

Held að þetta sé orðin góð langloka í bili, skal vera duglegri að blogga eftir prófin !!!

Ragna

Gleðileg jól og gleðilegt nýtt ár allir saman!

Vona að það séu ekki allir hættir að lesa bloggið þrátt fyrir þvílíkan trassaskap okkar, ég veit að við höfum ekki staðið okkur vel að blogga undanfarnar vikur og mánuði.

Held að áramótaheit lopaflokksins í ár sé að vera duglegri að blogga

Unnur fær skammarverðlaun síðasta árs fyrir að hafa bloggað 0 sinnum!!!!

Stór hluti af lopa-skvísunum er á leiðinni til Austurríkis á skíði núna 19.jan og það verður massa gaman!

Annars er ég ENN að bíða eftir niðurstöðum úr desemberprófunum, ekkert mál ég er ekkert stressuð neitt (NOT). Gott að kennararnir skuli ekkert vera að stressa sig allt of mikið yfir þessum prófum okkar!

Jæja best að halda áfram að hafa það gott, allavega í tvo daga til viðbótar því að þá byrjar skólinn aftur. Ég vona bara að allir hafi haft það gott í jólafríinu. 

Kv.Sigga

 

 Já í dag náði ég þeim merka áfanga að sprauta mann í fyrsta skipti !! Hélt nú að það yrði mun erfiðara, en nei það bara gekk eins og í sögu og hún Jónína var nú bara nokkuð hress eftir á <
Hún fékk nú líka að sprauta mig og ótrúlegt en satt, að þá leið mér nú bara nokkuð vel eftir á og lá ekki við yfirliði

 Ég er sem sagt stödd á Fyrstu hjálp í óbyggðum námskeiði á Gufuskálum og það er nú bara ótrúlega gaman og búin að læra alveg fullt !!!
þetta er nú samt ansi langt, heilir 8 dagar og ekkert frí, lært frá 8 á morgnanna til 11 á kvöldin Kem svo heim og fer beint í mjög þungan líffærafræði kúrs, þannig að við sjáumst bara um næstu jól Nei bara grín, ég ætla nú ekki alveg að missa mig.

 Annars er nú bara allt gott að frétta, gengur vel í skólanum en sem komið er, þó að það sé nú mest lítið sem ég er búin að gera.<

Er líka orðin eins og allir hinir Íslendingarnir, keypi ér kort í sprort-og baðhúsinu, þannig að nú þarf bara að taka á því. Ætla svo að reyna að vera dugleg við að fara á fjöll svona inn á milli.

 Annars finnst mér orðið óendanlega stutt í jólin.

Ekki meira að frétta af mér í bili, en ég er alveg til í að fara að heyra fréttir af ykkur hinum lopastelpunum

Kveðja frá Gufuskálum

Ragna

já við erum nú orðnar ansi slappar í þessu stelpur !!! Hvað er eiginlega að verða um lopaflokkinn ??? Jújú við erum nú flestar í háskóla og það tekur sinn tíma

Já annars er það nú að frétta að ég byrjaði í skólanum fyrir alvöru á síðasta miðvikudag og var það nú bara fínt að komast svolítið út úr húsi og á meðal fólks.

Svo er nú hjálparsveitin byrjuð á fullu og allt að gerast þar, mér finnst starfið nú bara nokkuð öflugt og metnaðargjarnt þetta haustið, vona að það haldist svoleiðis út veturinn, Það verður víst ekkert af þeim áformum mínum að minnka veru mína þar, verð víst áfram varaformaður leitarflokks, og langar líka að starfa með fjallaflokknum sem á að fara að stofna, en það er nú bara gaman

Á laugardaginn er ég svo á leiðinni á svokallaða "spiritusarvígslu" fyrir 1. árs læknanema, hver veit hvernig það endar........ en það á nú víst að bjóða okkur í mat og ýmislegt þannig að ég hlakka ýkt til !!!!

Plan næstu helgar er líka orðið nokkuð áhugavert.. er að hugsa að skella mér í ferð með afturgöngum yfir kaldaklofsfjöllin og í veislu í Hvanngili, hljómar allavega mjög vel... lýsi hér með eftir einhverjum félögum HSSK til að  koma með mér !!!

oooo. nú fékk ég svona ritstíflu, finn ekki meira að segja í bili

 kv. Ragna Sif

Ég held að þetta sé nú stysta sumar sem ég hef nokkurn tíma upplifað, það hvarf !!!!

En ég er byrjuð á fullu í skólanum núna, og finnst bara nokkuð gaman. Er víst að fara í einhverja nýnemaferð á föstudaginn, held samt að það endi bara með einhverju fylliríi og rugli!!!! bara gaman. Svo á nú að reyna að taka stefnuna á Hólahátíð í laugardag !!!! held að það verði geggjað gaman.

Er nú samt svona að jafna mig eftir ævintýri helgarinnar ennþá. Fór í útkall inn í Skaftafell og þar fengum við það verkefni að ganga Sandfellsleiðina upp á Hnjúk og athuga sprungur þar. Þetta var nú samt meira eins og góð ferð, en ekki útkall, glampandi sól og blíða þegar líða fór á daginn.!!! Svo varð nú einhver skilmisingur þannig að við fengum ekki þyrluna niður og urðum að gjöra svo vel og ganga !!!! En það var nú minnsta málið þar sem leit var hætt og við þurftum ekki að halda áfram daginn eftir. Og auðvita tókst mér að gleyma sólgleraugunum í bænum, og brann svonalíka vel í augunum, ég ætla aldrei að læra        Flottar myndir eru á heimasíðunni hjá Olgu og Dóra.

Var að enda við að henda nokkrum vel völdum myndum frá Spáni inn á myndasíðuna mína, frábær ferð þar, gott að fá smá afslöppun fyrir skólann.

En hvað er samt í gangi með þetta blessaða flugfélag sem heitir iceland express!!! Ég held að mér sé ekki ætlað að fljúga með þeim. Þeir hafa einu sinni hætt við flugið mitt, ég hef einu sinni nauðlent með þeim, og núna áttum við ekki nóg eldsneyti til að komast til Íslands þannig að það varð að millilenda í Skotlandi !!!

 jæja ætla að segja þetta gott í bili, á víst að vera að læra

 

ps. á enn eftir að laga myndirnar frá ferðinni kringum Vatnajökul, geri það við fyrsta tækifæri

Var að setja inn myndir frá ferðalaginu kringum vatnajökul!!!

 Er á leiðinni á Gufuskála, þannig að ég hef ekki tíma til að skrifa meira !!!

bless í bili

 

Ragna

jæja er ekki kominn tími á blogg ???

Það er bara svo mikið að gera að það gefst ekki tími til að setjast aðeins fyrir framan tölvuna.

Núna er ég á aukavakt uppi á spítala, og það er rólegt (kraftaverkin gerast enn!!!), Þannig að ég ákvað að skella inn einu bloggi
Veit reyndar ekki alveg hvar ég á að byrja það er svo margt búið að gerast í sumar:

1. Gekk Laugaveginn með 23 krakkaorma, það gekk bara geðveikt vel, það var sól allan tímann og alveg æðislegir krakkar. Er búin að búa til myndasíðu fyrir útivistarskólann og það er linkur hér til hliðar, ef þið viljið skoða myndir úr ferðinni.

2. Ég komst inn í læknisfræði!!!! geðveikt gaman, þannig að ég er víst ekki á leiðinni til Danaveldis, og þið sitjið uppi með mig hér á skerinu, allavega næstu sex árin.

3. Fór sem skálavörður inn í Þórsmörk eina helgi með Elvari. Vorum í langadal og fengum skálann í Skáldagili út af fyrir okkur, rosa rómó!!!. Verkefni helgarinnar voru meðal annars klósettþrif sem Elvar alveg hreint brilleraði í og svo lentu 11 Finnar í sjálfheldu inni í Hvannárgili, og var alsherjar útkall að bjarga þeim niður. það var nú bara nokkuð gaman, maður fékk loksins að gera eitthvað í útkalli !! En það var nú fyrir öllu að þau komust öll heil niður. Á laugardagskvöldinu kom svo einhver brjálaður maður keyrandi alla leið inn í Þórsmörk á fjórhjóli og fór sko létt með Krossánna. Var þar mættur hann Sigursveinn Óskar með hana Sonju sína aftan á. Algjörir snillingar þar á ferð !!! Seinna um kvöldið komu svo Halla og Torfi og Ástþór og Hanna í heimskókn, en þau voru búin að vera á ferðalagi á fjöllum.

4. Var að koma úr ferðalagi þar sem við fórum kringum Vatnajökull. Ég, Elvar, Halla og Torfi lögðum af stað á síðasta fimmtudag í okkar árlegu jeppaferð (er þetta ekki orðið árlegt ???). Nú var stefnan tekin norður fyrir Vatnajökul. Fórum Gæsavatnaleið, og inn í Dreka þar sem við hittum fullt af góðu fólki. Þar er hún Arna Björg skála/landvörður og svo komu einnig drengirnir í hálendisgæslunni þá um kvöldið, mikið gaman þar. Skelltum okkur í Víti og að sjálfsögðu fóru allir naktir oní !!!!. Daginn eftir var svo brunað á Kárahnjúka, og Hafrahvammagljúfur skoðuð, fórum í bað í Laugavalladal og svo lá leiðin niður í Atlavík, í blíðuna þar!!!. Svo var nú farið að halda í suðurátt, Kíktum örstutt inn í Lónsöræfi á lengstu göngubrú landsins, og eyddum svo kvöldinu á Hala í Suðursveit með frændfólki hans Torfa. Á mánudeginum vöknðum við upp í rigningu, en létum það ekki á okkur fá og skoðuðum Fjaðrárgljúfrin á leiðinni heim, þar sem sumir blotnuðu meira en aðrir. mæli eindregið með því að vaða inn þessi gljúfur, tekur ekki langan tíma og þau eru algjör perla!!!
Ætla að setja inn myndir við fyrsta tækifæri!!

5. Var að kaupa mér nýjustu Harry Potter, þannig að þið sjáið mig ekkert á næstunni

6. get ekki beðið eftir að komast til Spánar

Held að þetta sé nú orðið gott af fréttum í bili, vona að þið hafið ekki gefist upp á lestrinum !!!

Bless í bili

Ragna Sif

Já það má nú segja það að sumarið sé nú bara að fljúga í burtu!!!

Ég fattaði það allt í einu að það væri bara fyrsta helgin í Júlí um næstu helgi..

En maður er nú búinn að bralla ýmislegt, ég segi það ekki.

Byrjaði að vinna strax eftir læknisfræðiprófið á Gufuskálum, og aldrei þessu vant var bara gott veður, meira að segja sól !!! Hvað biður maður um meira ???

Svo strax daginn eftir að ég kom heim var auðvita haldið á fjöll.
Ég, Halla og Svava sem er að vinna með mér gengum frá Hólaskjóli og niður í Þórsmörk á 3. dögum. Alveg snilldarferð í alla staði, þó að þetta hefði verið svolítið löng ganga.
Ferðaplanið breyttist nefninlega aðeins. UPphaflega planið var að ganga í Strút og hitta þar nokkra félaga sem ætluðu að skutla okkur niður í emstrur og þaðan átti svo að vera léttur dagur niður í Mörk.
En þar sem Syðra fjallabak var enn lokað kom Svava með með þá skemmtilegu hugmynd að labba bara alla leið, þannig að við vorum að labba hátt í 30 km á dag, fyrstu tvo dagana !! Nokkuð gott.
Svo hittum við eitthvað af liði í Mörkinni á laugardeginum, tókst meira að segja að vekja Olgu og Dóra greyin, þar sem þau voru steinsofandi eftir að hafa gengið Fimmvörðuhálsinn um nóttina.

Svo er nú bara búið að liggja í leti í bænum núna í vikunni, og njóta góða veðursins.!!!

Á morgun er svo stefnan tekin á Laugarveginn með 24 krakkagríslinga úr Útivistarskólanum, það verður massa stuð !!!

En ætla að segja þetta gott í bili !!

Kv. Ragna

 Ps. Bjó mér til nýja myndasíðu þar sem hin var orðin full, og kom inn myndum frá Hrútfjallstindum og myndum frá helginni!! Það er linkur hér til vinstri undir Rögnumyndir 2

hæhæ var að enda við að setja inn myndir bæði frá Hvítasunnuhelginni og frá nemendasýningunum!!! Náði reyndar ekki að klára þar sem ég var komin yfir limitið eða eitthvað svoleiðis, þoli ekki svona vitleysu !!!

En allavega nenni ég ekki að skrifa ferðasögu núna!!! kemur seinna Annars var þetta alveg frábær ferð!!!

 

kveðja Ragna

Góðan og blessaðan!

Sit hérna við skrifborðið mitt og horfi út um gluggann! Það er geggjað veður... og mig langar út!

Það er hrikalegt að vinna inni þegar það er svona veður

 

Hvernig er þetta annars stelpur? Er lopaflokkurinn að deyja?

Ég er ekki alsaklaus og get ekki sagt að ég hafi verið mjög dugleg við að sporna gegn því með því að blogga!

Annars svona helstu fréttir... maí er búinn að vera og er alveg pakkaður af skemmtun og öðru sniðugu!

-  Ég var að kaupa mér línuskauta!! Við Torfi fórum á línuskauta í gær og það var voða gaman.

-  Sunnudag fyrir viku síðan fórum við í dagsferð upp á langjökul á nýja sleðanum hans Torfa, það var algjör snilld og veðrið var frábært.

- Ég byrjaði á meiraprófinu í síðustu viku! og verð á því á kvöldin næstu vikurnar.... sem sagt langir dagar framundan hjá mér!

- Næstu helgi er landsbjargarleikar og árshátíð landsbjargar! Og það má að sjálfsögðu taka það fram að okkar lið (sem skartaði tveimur lopaskvísum) var í 3. sæti á síðustu landsbjargarleikum! Ég vona að ég ná að vera aftur með en það er nú samt eitthvað tvísýnt vegna meiraprófs!!!! Verðum við ekki að massa þetta Ragna??

- Þar næstu helgi er stefnan svo að sjálfsögðu tekin á enduro keppni á Klaustri! Þar sem ég og Andrea ætlum að styðja okkar mann hann Torfa!

 

Jæja þetta var semsagt helst í fréttum.....

Chao!!

Halla

 

Jæja ég er loksins búin að henda inn nokkrum myndum frá Fjallabjörgunarnámskeiðinu sem við fórum á , snilldar námskeið og geggjað gaman, hvað er betra en að hanga í spotta heila helgi??

Annars er nú lítið að frétta, er bara á fullu í lærdómi og vinnu og býst við því að það muni taka allan minn tíma út maí!!! En þá verður sko stefnan tekin á landsbyggðina það sem eftir lifir sumars, get ekki beðið !!!

En ætla að fara að drífa mig á sjúkraæfingu út í skemmu hjá henni Jónínu !!

 

bæjó

 Ragna

Já hvað haldiði, kraftaverkin gerast enn!!!!

Ragna Sif er búin að fá svona fotoshop forrit í tölvuna sína, búin að læra að lýsa myndir og gera alls konar hundakúnstir með þær !!!! ýkt gaman. 
Enda er mikill afrakstur, búin að búa mér til mína eigin myndasíðu og setja inn myndir bæði frá Sölden og Eyjafjallajökli!!!!

Nú vil ég fá mikið hrós, þetta gerist nefninlega ekki á hverjum degi  (kannski er það nú vegna þess að ofvirki hlutinn af mér stakk af upp á Langjökul og þess vegna get ég aðeins slappað af )

En annars er þetta nú búið að vera mesti letidagur sem ég man eftir held ég, svaf út, veltist svo út á video leigu með litla brósa og við erum búin að liggja uppi í sófa með snakk og kók í allan dag !!!!. Til að bæta þetta ennþá betur þá birtist amma með súkkulaðiköku og svo er víst veisla í kvöld líka. Úff, ég held ég þurfi að fara út að hlaupa

Annars er nú lítið að gerast hjá mér á næstunni nema vinna og læra.

Ætla reyndar að reyna að skipuleggja 4. daga ferð á vatnajökulssvæðið í kringum sumardaginn fyrsta ef einhver hefur áhuga á að koma með!!!

En segi þetta gott í bili, ætla að fara að leika mér meira með myndirnar mínar

Ps. linkurinn að myndunum er hér til vinstri undir Rögnumyndir !!!

Hafið það gott

Ragna

Jei ég á afmæli í dag !!!!! og elvar líka við erum nefninlega búin að vera saman í heil fimm ár í dag, pæliði í því !!! nokkuð gott
Annars ætlum við ekki að halda upp á það fyrr en á morgun, þar sem ég er að vinna.

Annars áttum við mjög gott kvöld í gær, fórum upp í sumarbústað, elduðum góðan mat og lágum í pottinum, voða næs. Fórum svo í hádegismat til Einars og Eyrúnar í Kiðjabergið áður en ég fór að vinna aftur.

En ég verð eiginlega að segja aðeins frá Eyjfajallajökulsferðinni. Það var nefninlega alveg geggjað gaman, við vorum 12 sem fórum, flest úr hjálparsveitinni og það var svo gott veður og svo mikið útsýni. Jökullinn var samt alveg glerharður, og mjög skrautlegt að fara niður aftur!!!
Og ég ætla aldrei að læra... mín var ekki með sólgleraugu og brann svona skemmtilega í augunum einu sinni enn
Hendi inn myndum einhverntíma þegar ég er heima og að vesenast í tölvunni !!(hvenær sem það verður )

Verð að halda áfram að vinna

Þar til næst

 Ragna